عوضّ مواد التنظيف متاعك بقشور القوارص وتمتّع بريحة بنينة و نظافة عجيبة

جرات العادة على أن قشور البرتقال (البرقدان)  نعملو بيهم قهيوة عربي ريحتها فاوحة تعمل الكيف، لكن قشور البرقدان عندها منافع أخرى قاهرة للدهون و تنحّي الزيوت مالماعون والحيوط،  تعوّضلك  مواد التنّظيف في الكوجينة وتخلّي ماعونك ريحتو بنينة

لمّ قشور القوارص (البرقدان، القارص، المدالينة، الليم...) في دبوزة بلاّر و عبّيها بالخلّ و خليها على جنب مدّة جمعتين

بعد ما توفى المدّة، القشور تكون عطات مفعولها، فرّغ الخل في دبوزة فيها بخّاخ، رشّ بيها الماعون والبقايع المسخّة في كوجينتك

وهكّا تكون نظّفت كوجينتك بمواد طبيعيّة و بأرفق الأسوام، و ماعونك ريحتو فاوحة تركب الكيف